المشاركات الشائعة

الثلاثاء، 28 ديسمبر 2010


تمنيتك ياحبيبتي ساعات شفتك    وعقدت على نيتي والنية خير
وحلمت تكوني حبيبة ونظمك       ونبنيلك في خواطري عش عصافير
قلبي رفرف يامرا طار شوارك    والحب يزور القلوب بلا تفكير
قلبي من صدري أهجر وسكن عندك  وعيني ملي شافتك ماهيش بخير
بكات و سقسيتها عيني مالك       قالتلي فوق طاقتي كيفاش ندير
راني نبكي شواق من قسمت قلبك   وجوهرة  عقارها عفريت كبير
بعد بكات العين والقلب أتهلك   جيتك طاوي رايتي بالحب أسير
هاني جيت وجبتلك شعري مهرك    وأنتيا يا الغالية تسواي كثير
جبت المهر وجيت ناوي نخطبك     ونلبسلك خاتم المحبة والتشهير
قالتلي أنا يتيمة كي شعرك            عنون بيا قصايدك وخطيني خير
عنون بيا قصايدك عز الوطنك     وتقرانا في منابر جراحك تذكير
قلتلها وطني ومن بعدوا حبك        عيا يكبر وحاملوا ذا القلب كبير
أنا شاعر للوطن وأنت وحدك      حبك وحب الوطن مالو تفسير
أنت تشبهي الشمس عمري في يتمك     وأنت كالبحر هادي وكبير
مقواهم لبنات كي يغيرو منك       ومقوا الورد على خدودك حين يشين
ومقوا الشعر إذا نتحر في شعرك     ومقوا القمر في زين عمري حين يحين
ومقوا الشفايف ذي حين تغتبك  وأنت زينك بين النسا موحال يصير
ومقواني أنا نحبك ونحبك آجدك    ونحبك ونزيد ونحبك ومغير
أنا نحيا ليك ونموت أنحبك         وبلا حبك يامرا كيفاش أندير
كي تغيب على العين مالبعد أنشمك   أنت وردة في البال ماليهاش أنظير
آزينة كل النسا راني ملكك        أشرطي واللي بغيتي كاع يصير
أشرطي وأنا نلبيلك شرطك        ونفرشلك درب المحبة كاع حرير
شمس الصيف انحطهالك في كفك   والقمر أنهبطوا وين يسمع يسير
والشعراء كاع يكتبوا بإسمك       والقصايد بلا إسمك موحال تنير
والعشاق مصيفين على بابك آجدك    ومراسيل الحب تخنم باه طير
وقصور المحبة كاع تبدا من عندك      وأنت اللي تشرعي والحب أسير
لوكان ماتقوليش للحب أعتقتك    والله عاشق مايجي من ثم بخير
هازينة كل النسا كم نعزك            عز العين على شفرها ولا خير
أنا نهواك ومانجمش أفراقك       واللي بيناتنا كبر من كل أكبير
كي تفرحي القلب يفرح لفراحك    وكي  تحزني خاطري مالبعد يحير
ذوبتيني وذبت في كاس أحزانك    وعلى موج خواطرك حاربت الغير
قلبي وسط أمحبتك موحال أيشك    وموحال يشك السما في غدر الطير
  ثلث محاين نارهم فيا تهتك        من محنتهم شاب هذا الراس صغير
هذا الوطن العزيز والشعر وحبك    أنتما حبكم مالوا تفسير

ليست هناك تعليقات: