ake-chehat.blogspot.com

عبد الرحمـــان الكــــافي
ملزومـــــــة الــــــــكافي
الزبـــــــــوبية
Malhoumet Abd Arrahmedn al-Kafi

الصبر لله و الرجــــــوع لربّي
أمّا الدنيا و أهلها في (زبي)

الرجــــــــــــاء في المولى
أما الدنيا و أهلها مجمولة
جميع الدول الكل دولـة دولــــــــــة
اللي ظهر و اللي ڨعد متخبي
برياسها بملـــوكها بالصـــولة
بتيجانهم بعروشهم في (زبي)

باللي فيــــــــــــــــــــــها
برياسها بسلطانها بواليها
أبيها بمقيمها بقاضيها
أبباصها بإمامــــها بالربّي
بشيخ الإسلام بعدولها بمفتيها
المدير و المراقبة في(زبي)

على والـــــــــــــــــــــــى
حكامها و ﭬياد كل عمالة
الشيخ و الهيدوك و اللــي بماله
و اللي صندوقه بالفلوس معبي
التاجر و الفلاح و الومالة
الناس الغنيا كسبهم في (زبي)

زيد اللوســــــــــــــــــــــي
و اللي يصدر في الأحكام حتى بروسي
و كل ما يسمي الحاكم دوسي
حتى التريبونال وجوج دو بي
وكيل الدولة تونسي أو سوسي
الرئيس و الأعضاء حكمهم في (زبي)

ما ننســــــــــــــــــــــاوش
الكاهية و وظيفته و باش شاوش
كذلك اللي قراو واللي ما قراوش
و اللي عمل طربوش ولا كيبي
البوليس و الجادارمي و الشاوش
أعوان الحكومة بكلهم في (زبي)

العالم و الكــــــــــــــــــاتب
و اللي توظف في أعلى المراتب
و اللي تسمى و صار ياخذ راتب
و اللي يهذب في العقول يربي
و معلم الصبيان في المكاتب
و المؤدبين عقولهم في (زبي)

وزير العدليــــــــــــــــــــة
و مديرها و نائب الداخلية
و شيخ المدينة و رئيس الجمعية
لو كان يكون جنسه عربي
و وزير القلم و قايد الحربية
بسلاحهم و بأسطولهم في(زبي)

المتكــــــــــــــــــــبروالمستبد
في الخلــــــــــــــــــق و المتجبر
واللي ركب على الخيول العبر
واللي يسكن في قصر ولا ﭬربي
واللي خطب بالكذب فوق المنبر
أهل السياسة أفكارهم في (زبي)

المدمــــّــــــــــــر
و اللي بعثاته فرانسا معمر
العواد و القصاب و اللي يزمر
كذلك الدرويش و المتنبي
شيخ الطريقة إذا بدا متخــمّر
ببركته و بنادره في (زبي )

الشيخ و التلمـــــــودة
و اللي لبس أنتيكة ولا مودة
و اللي سماوها الشابة الخندودة
و اللي عشق أم الغثيث مجبي
و كل يد للبوس هي ممدودة
عوض نقبلها نحطها في (زبي)

هاكة هــــــــــــــــــــــــــوة
و اللي ما عجبوش ياخذه في الصوة
ربي خلقني ليـــه عبده هو
لا نخـــــــــــــــاف لا نذل و لا نخبي
أصغو كلامي يا ذراري حوة
وإذا ما فهمتوش يدكم في (زبي)

إفهم تـــــــــــــــــــوة
خيار الحديث ﭬصاص موشي دوة
إذا تجيني من جانب الأخوة
أنا خديم عبد مطيع لـــــيك مربي
إذا انت جايني بالقـــــــــوة
نقلك حتى نشـــــــــــــــــــــــــــــاور(زبي)

حالف يميــــــــــــــــــــني
لا نخضع لمخــــلوق لو يغنيني
لاني لحد ولا أحد ملك يميني
القسم ’’ مسوقر ’’ في كفالــــــــــة ربي
الموت مرة برك يا صاغيني
واللي يعارضني يجي يكلم (زبي)

اللي مات تهنّى
والموت أحسن من حياة المنة
العز في النار ولا الذل في الجنة
موت الشـــــــرف ولا حياة الكبي
هذا فكري بيه صغت الغنة
صححتها وطبعت فيها ب(زبي )